Deskribapena
Urteetan zehar basogintzan lan egiten zuen hainbat hernaniarren lantoki izan den arren, egun Hernaniko bailara ezezagunetarikoa da. Baserririk eta beste inolako eraikuntzarik gabe. Bailara hau osatzen duten ur-sareko erreka eta erreka-ertzak biziki garbiak eta kalitate onekoak dira. Egun, konifera landaketek nagusitasuna duten arren, pagoz eta haritzez beteriko bailaratxo eta baso orbanak ikusteko aukera ere ematen du Urruzunok.
