Aiako Harriko Parke Naturalak 6.913 hektareako azalera du eta, 800 metrotik gorako granitozko hiru gailur nabarmen aurkitzen dira: Irumugarrieta, Txurrumurru eta Erroilbide. Paleozoikoan sorturiko mendigunea izanik, Euskal Herriko material geologiko zaharrenak biltzen dira. Gainera, bertako biztanleen historia eta historiaurrea erakusten dituzten aztarna megalitiko ugari aurki daiteke.
Parkean zabaltzen diren basoak oso aipagarriak dira, bai zabalera zein balio naturalaren ikuspuntutik, harizti eta pagadi bikainak esaterako. Inguru malkartsua eta baso itxiek, natur bizitza oparoa eta jatorrizko izaera babesten dute eta mendizalearentzako inguru ezin hobeak dira.
Bestetik, erreketan bizi diren espezieen aniztasuna azpimarragarria da: muturluzea, bisoi europarra eta izokina, adibidez. Eskuraezinak diren harkaitz eta tontorretan, aldiz, sai arreak eta belatz handiak dira jaun eta jabe.
Oinezko mendi-ibilbide sare zabala eskaintzen du Aiako Harriko Parke Naturalak. Urumea Arnastu natur gunetik bi sarrera daude, ibilgailuak bertan utzi eta mendian barrena bisita egiteko:
- Ereñotzuko Larregain sagardotegia (Epela eta Fagollaga arteko bidegurutzea hartuta) eta Akolako atsedenlekua. Aparkalekuak
- Ugaldetxo (Ereñotzu) jatetxearen atzealdetik. Aparkalekua
Ibilbideak: